भुपेन्द्र शर्मा, एडमण्टन, क्यानाडा-  क्यानाडको एडमण्टनमा नेपाली महिलाको महान पर्व तीज भव्यताका साथ मनाइएको छ । एडमण्टन स्थित क्वीन एलेक्जन्द्रा कम्युनिटी लीग हलमा गत शनिवार सम्पन्न भएको कार्यक्रममा सो आसपास बस्ने नेपालीको उल्लेख्य उपश्थिती रहेको थियो ।

नेपाल हेरिटेज सोसाइटी अफ एडमण्टनले आयोजना गरेको हरितालिका तीज कार्यक्रममा नेपाली महिलाहरु आफ्नो पहिचान झल्कने पोशाकमा सजिएका थिए । कार्यक्रममा तीजको गीत गाएर महिलाहरुले नृत्य गरेका थिए भने अन्य नेपाली गीत संगीतको स्वादले सहभागीहरु मन्त्र मुग्ध भएका थिए ।

तीज कार्यक्रममा नेपाली मौलिक परिकारहरु बनाइएको थियो भने चेलीबेटी लगायथ सहभागीहरुलाई दरपनि खुवाइएको थियो । नेपाली मौलिक परिकारहरु खीर, अचार लगायतको स्वादले सहभागीहरु आनन्दीत भएका थिए । नेपाली मौलिक परिकारहरु सभाहलकै भान्छामा नेपाली पुरुषहरुले तयार पारेर महिलाहरुलाई खुवाइ नेपालीपनको झल्को दिने प्रयास गरिएको थियो ।

नेपाली परम्परा अनुसार तीजमा चेलीबेटीलाई घरमा बोलाई दर लगायत मिठा मिठा परिकारहरु बनाएर खुवाइन्छ । नेपाली हेरिटेज सोसाइटीको तीजको दर खाने कार्यक्रमले मौलिक नेपाली पनलाई सम्झाएर माइती आएको महशुष भएको सहभागी सुनिता पराजुलीले बताउनु भयो ।

पराजुलीले यताको दरखाने कार्यक्रमले नपालमा आफ्नै आमा र दाजुभाइले बनाएर खुवाएको सम्झना गराएको बताउनु भयो । कार्यक्रममा सुनिता पराजुली, रन्जु अधिकारी, पुष्पा शर्मा, संगीता ढुंगाना, नयन नेपाल र पदमा सुवेदीले तीजका गीतहरुमा आफ्नो प्रस्तुती दिएका थिए । त्यसैगरी प्रशिद्धी, प्रतापी, जेनिशा श्रृष्टि र आज्ञा लम्सालले नृत्य प्रस्तुत गरेका थिए । कार्यक्रममा प्रकृति घिमिरे। सम्झना जोशी, पृथा निरौला, विद्या खरेललेपनि नृत्य प्रस्तुत गरेका थिए ।

क्यानाडेली मुलका नाथन, केथी, रबर्ट र शिखालेपनि मनाए नेपालीसंगै तीज
नेपाली हेरिटेज सोसाइटीको तीज कार्यक्रममा अतिथिका रुपमा निम्त्याइएका क्यानेडेली मुलका नाथन, केथी तथा रवर्ट र शिखालेपनि नेपाली मौलिक चाड र यसको परम्पराको खुलेर प्रशुंसा गरे ।

नेपाली परिकारको स्वादले दंग उनीहरु नेपाली गीत संगीत र पहिरनलेपनि आकर्षित बनेका थिए । नेपालीहरुका एकता तथा आफ्नो मौलिकता र संस्कारले उनीहरुलाई संसारमै अलग बनाएको भन्दै प्रशंसा गरेका थिए ।