ढाका । बंगलादेशकी विपक्षी दल बिएनपीकी नेतृ एवं पूर्वप्रधानमन्त्री बेगम खालिदा जियालाई औपचारिकरूपमा रिहा गरिएको छ ।

बंगलादेशको राष्ट्रपति कार्यालयले एक विज्ञप्ति जारी गर्दै खालिदा जियालाई हिरासतबाट रिहा गरिएको जानकारी दिएको ढाका ट्रिबुनले उल्लेख गरेको छ ।

साथै, राष्ट्रपति कार्यालयले जुलाई १ देखि अगस्त ५ सम्म आन्दोलनमा सहभागी भएर हिरासतमा लिएका सबै विद्यार्थीहरुलाई समेत रिहा गरेको जनाएको छ ।

खालिदा जिया अनियमितताको आरोपमा सन् २०१८ मा १७ वर्षको जेल सजाय काटिरहेकी थिइन् । त्यसपछि सन् २०२० देखि भने कोरोना महामारीलाई ध्यानमा राख्दै उनलाई उनकै घरमा नजरबन्दमा राखिएको थियो । एजेन्सी