मेरील्याण्ड, (अमेरिका)- अमेरिकी राष्ट्रपतिकी उम्मेदवार हिलारी रोधम क्लिन्टनलाइ विजयी बनाउन नेपाली समूदायबाट पनि अग्रसरता सुरू भएको छ । यसैक्रममा आईतवारदेखि नेपाली फर हिलारीको http://www.nepaliforhillary.com/ अभियानले औपचारिक रुपमा शुरु भएको छ ।
उक्त अभियानले हिलारी क्लिन्टनलाई आगामी राष्ट्रपति बनाउनका लागि विभिन्न कार्यक्रमहरु सञ्चालन गर्ने भएको छ । यसको लागि बिभिन्न चौध राज्यमा कमिटि गठन भएर काम सुरू भएको छ । यसैगरी नेपाली फर हिलारीका लागि आउटरिच डाईरेक्टरमा नारायण श्रेष्ठ, कम्युनिकेशन डाईरेक्टरमा विनिता देवकोटा र प्रेस सेक्रेटेरीमा मधुकर अधिकारी रहेका छन् ।
हिलारीलाइ विजयी बनाउन नेपाली समुदायको संयोजन गरिरहनु भएका ह्यारी भण्डारीका अनुसार टेक्सासबाट गौरी जोशी, हरिवोल भण्डारी, कृष्ण लामिछाने यो समितिमा रहनुभएको छ ।
त्यस्तै मेरील्याण्ड राज्यका लागि डा. श्याम कार्की, भीम कट्टेल, गौतम दाहाल, अमर छन्त्याल लगायत ५५ सदस्य रहेका छन् । त्यसैगरि न्यूयोर्कमा विश्व शाह, खगेन्द्र जिसी, डा. विनोद शाह, कृष्ण पोख्रेल लगायत ११ जना रहेका छन् । उता भर्जिनियामा हरि शर्मा, जीवन तिवारी, भरत वराईली लगायत जना छन् ।
जर्जियामा मोहन तिमिल्सेना, डा.सञ्जीव सापकोटा, डा. अनुप श्रीवास्तव लगायत ८ जनाको समिति गठन गरिएको छ । उता पेन्सलभेनिया डा.केशव भण्डारी, डा. वर्षा मोक्तान छन् । त्यस्तै फलोरिडामा विमल नेपाल, विकास देवकोटा, एनिला न्यौपाने, कृष्णकुमार श्रेष्ठ लगायत रहनु भएको छ । यसैगरी क्यालिफोर्नियामा ऋषि ढकाल, भक्त थापा, रोजर अधिकारी, उमा कार्की, राजेन्द्र शिवाकोटी, अनिल पाण्डे, डिल्ली भट्टराई, हरिहर दाहाल, सञ्जय घिमिरे लगायत रहनु भएको छ ।
उता कोलोराडोवाट वासु दाहाल, नारायण श्रेष्ठ, शैलेश पोख्रेल, ईलिनोईजबाट सुमन वस्ती, मधुसुधन वुढाथोकी लगायत १३ जना छन् ।
उता म्यासाचुटेसवाट महेश्वर पन्त, न्यूहयाम्सायरवाट भोला शिवाकोटी, कृष्ण गिरी लगायतको रहनु भएको छ ।
आप्रवासीको अधिकारलाई पूर्ण प्रत्याभूतिः
अमेरिकाको निर्वाचनमा डेमोक्रयाट पार्टीको तर्फवाट उमेदवार बन्नुभएकी हिलारी क्लिन्टनले आप्रवासीको अधिकारलाई पूर्ण प्रत्याभूति गर्न महत्वपूर्ण सुधारको थालनी गर्नुहुने भएको छ । आईतवार क्लिन्टनको चाहनाबारेमा नेपाली समुदाय माझमा बोल्दै उहाँको एशियन अमेरिकनका लागि वाहय निर्देशक ज्यासन टयांकोले यस्तो धारणा राख्नु भएको हो । निर्देशक टयांकोले भन्नुभयो परिवारका सदस्यहरुलाई पुर्नमिलन गराउन र आप्रवासी कानूनमा सुधार गर्न हिलारीले राष्ट्रपतिमा निर्वाचित हुनु भएको खण्डमा सय दिन भित्रै महत्वपूर्ण काम गर्नु हुनेछ ।
नेपाली फर हिलारी (हिलारीका लागि नेपाली ) ले आयोजना गरेको छलफलमा डमोक्रयाट पार्टीकी युवा सञ्जाल राष्ट्रिय कमिटिकी उपाध्यक्ष कस्टिन्टीना मिसले निर्वाचनको पूर्व सन्ध्यामा नेपालीहरुलाई मतदाताको सूचीमा सूचीकृत हुन विशेष आग्रह गर्नु भयो । तल्लो तहसम्मका विभिन्न ईकाईमा वाडिएर रहनु भएका नेपालीहरुलाई म मतदाताको सूचीमा सूचीकृत हुन र मतदानमा भाग लिनुहुन अनुरोध गर्दछु ।
छलफलमा सहभागी हुनुभएकी एएपी आईको तर्फवाट राष्ट्रपति बाराक ओबामाका लागि सल्लाहकार सञ्चिता प्रधानले नेपालीहरुले अमेरिका व्यापीरुपमा निर्वाचनमा भाग लिन,मतदान गर्न र निर्वाचनमा डेमोक्रयाट पार्टीलाई विजय गराउन विशेष भूमिका खेल्न आग्रह गर्नु भयो । उहाँको भनाई थियो, हामीहरुले साँस्कृतिक पर्वको आयोजना गर्दा मतदान र मतदाताको विषयमा चर्चा गर्न नभुलौं । प्रधानले नेपालीहरु एक जुट भएर अमेरिकाको निर्वाचनमा सहभागी हुुनु पर्ने धारणा राख्नु भयो ।
नेपाली फर हिलारीका संयोजक एवं डेमोक्रयाट पार्टीको युवा सञ्जालका राष्ट्रिय पूर्व महा सचिव(मा.क) ह्यारी भण्डारीले नेपाली समुदायले आगामी निर्वाचनमा प्रतिवद्धताका साथ सामेल हुने, तल्लो ईकाई सम्ममा मतदान र मतदाताको सूचीकरणका लागि पहल गर्नुपर्ने, नेपालीहरुको वृहद पहिचानका साथै स्थानीय समस्या समाधानका लागि मूलधारमा समाहित हुनुपर्ने वताउनु भयो । हिलारी फर अमेरिकाका संस्थापक र मेरील्याण्डमा जनरल एसेम्वली मेम्वरका उमेदवार समेत रहनु भएका भण्डारीको भनाई थियो – हामी नेपाली अमेरिकन हजारौको संख्यामा रहेका छौं,यो मजवुत आधारशीलालाई निर्वाचनको माध्यमवाट नीतिगत तहमा उपस्थिति जनाउने क्षणको रुपमा लिन आग्रह गर्दछु ।
डेमोक्रयाट पार्टीका हरि शर्मा लगायत पाँच दर्जन नेपालीहरुको सहभागितामा भएको छलफललाई विनिता देवकोटाले सहजीकरण गर्नु भएको थियो भने विमल नेपाल, अनिल पाण्डे लगायतले नेपालीहरुले निर्वाचनमा हिलारीलाई विजयी गराउन विशेष पहल गर्नुपर्ने धारणा राख्नु भएको थियो ।
प्रतिक्रिया