अमेरिका । विश्वका २०३ देश र आसपासमा विस्तार भई महामारीकै रुप लिएको कोरोना भाइरसको प्रकोपबाट संयुक्त राज्य अमेरिका आक्रान्त भएको छ ।
बुधबार राति ११ बजेसम्म विभिन्न अन्तर्राष्ट्रिय सञ्चारमाध्यमहरुको विवरणअनुसार अमेरिकामा संक्रमित हुनेको संख्या दुई लाख ५ हजार ३५ पुगेको छ । प्राप्त समाचारअनुसार अमेरिकामा मृत्यु हुनेको संख्या ४५१६ पुगेको छ ।
विश्वभर ९ लाख ११ हजार ५५० जना संक्रमित हुँदा अमेरिकामा भएको संक्रमणको हिस्सा २३ प्रतिशतभन्दा बढी हुन आउँछ । अमेरिकामा हाल उपचार गराइरहेकाको संख्या १ लाख ९१ हजार ७७४ रहेको छ भने ४८८८ जनाको अवस्था जटिल रहेको बताइन्छ ।
हालसम्म ८७४५ जना उपचारपश्चात् निको भएका छन् । अमेरिकामा बुधबार एकै दिन १६ हजार ५०५ जना संक्रमित भएकोमा ४६३ जनाले ज्यान गुमाएका छन् ।
२०२० जनवरी २० देखि देखा परेको यो प्रकोपबाट न्यूयोर्क सबैभन्दा बढी प्रभावित भएको छ । यहाँ ८३ हजार ७१२ जना संक्रमित रहेकोमा १९४१ जनाले ज्याान गुमाएका छन् । यस्तै, न्यू जर्सीमा २२ हजार २५५ संक्रमित भएकोमा ३५५ ले ज्यान गुमाएका छन् ।
तेस्रो प्रभावित स्टेटमा क्यालिफोर्निया रहेको छ यहाँ ८ हजार ४ जना संक्रमित भएकामध्ये १८४ ले ज्यान गुमाएका छन् । (एजेन्सीको सहयोगमा)
प्रतिक्रिया