टेक्सस(अमेरिका)- टेक्ससका गभर्नर ग्रेग अवाटले आइतवार टेक्ससको साउदरल्याण्ड चर्चमा बन्दुकधारीले जथाभावी गोलि जलाउंदा २६ जनाको मृत्यु भएको पुष्टि गरेका छन् । टेक्सस गभर्नरले पत्रकार सम्मेलन मार्फत उक्त जानकारी दिएका हुन् ।
टेक्ससको मुख्य शहरभन्दा केही वाहिर एक चर्चमा आइतवार विहान एक बन्दुकधारीले जथाभावी गोलि चलाएका थिए । मृत्यु हुनेमा ५ बर्ष देखि ७२ बर्षसम्मका रहेको जनाईएको छ । मृत्यु हुनेमा चर्चका पास्टरकी १४ बर्षिय छोरी पनि छन् । यो गोलिकाण्डमा कयौं घाइतेभएको स्थानिय प्रहरीले जनाएको छ । अहिले अमेरिकाको संघिय जांच ब्युरोले उक्त घटनाको अनुसन्धान गरिरहेको छ ।
उक्त घटना टेक्ससको पर्यटयिक शहर सन्एण्टिनो भन्दा करिव ३० माइल टाढा विल्सन काउण्टीको सआउदररल्याण्ड स्थित फस्ट वाप्टीस्ट चर्चमा भएको हो । करिव साढे ११ वजेतिर गोलि चलेको थियो ।
.JPG)
.JPG)
यो घटना लगत्तै एयिसा भ्रमणमा रहेका राष्ट्रपति डोनाल्ड ट्रम्पले एफबीआई लगायत सुरक्षा निकायले आफ्नो काम शुरु गरेको र आफुले जापानवाट घटनाको निगरानी गरिरहेको टिवट् गरेका छन् ।
तुलनात्मक रुपमा थोरै जनासंख्या रहेको एक एकले अर्कोलाई चिन्ने साउदरल्याण्डको उक्त चर्चमा आइतवार विहान प्रर्थानाका लागि मानिसहरु आएका थिए । आक्रमणकारीले चर्चमा प्रवेश गरेसंगै गोली चलाउन शुरु गरेको त्यहांका प्रहरीले जनाएका छन् । यस सम्वन्धि घटनाको विस्तृत विवरण आउन बांकी छ ।
अमेरिकामा श्रृखलावद्ध रुपमा यसरी वन्दुकधारीको आक्रमणवाट मृत्यु हुने क्रम वढिरहेको छ । केही साता अघि लसभेगासमा यस्तै घटना हुदां ५९ जनाले ज्यान गुमाएका थिए । यसै साता कोलोराडोको डेनभर नजिक वालमार्टमा बन्दुकधारीको आक्रमणवाट ३ जनाले ज्यान गुमाएका थिए ।
प्रतिक्रिया