राजनीति-समाज

अब एन्ड्रोइडमा पेरिस्कोप

प्रकाशित |
माइक्रो ब्लगिङ साइट टि्वटरको लाइभ भिडियो स्ट्रिमिङ एप्लिकेशन पेरिस्कोप अब गुगलको एन्ड्रोइड अपरेटिङ सिस्टममा पनि उपलब्ध भएको छ । गत मार्चमा एप्पलको एप स्टोरमा लन्च गरिएको पेरिस्कोपलाई एन्ड्रोइड प्रयोगकर्ताले पनि मंगलबारदेखि प्रयोग गर्न पाएका हुन् ।
 
प्रतिद्वन्दी एप मिरक्याट यो मे महिनादेखि नै गुगल स्टोरमा उपलब्ध भैसकेको अवस्थामा टि्वटरले पेरिस्कोपलाई पनि अब एन्ड्रोइड प्लेटर्फममा उपलब्ध गराएको हो ।
 
 टि्वटरले गएको जनवरीमा पेरिस्कोप खरीद गरेको थियो।
मार्च महिनामा एप स्टोरमा लन्च गरेसँगै पहिलो हप्तामै पेरिस्कोप १० लाख पटक डाउनलोड भएको टि्वटरले दाबी गरेको छ ।
 
पेरिस्कोप एप मार्फत स्मार्टफोनमा लाइभ भिडियो देख्न र भिडियो हेर्दै टेक्स्ट म्यासेज पनि गर्न सकिन्छ, जुन स्क्रिनमा देख्न पाइन्छ । यो एप लोकप्रिय भएपनि यसबाट उपभोक्ताको मोबाइल डाटा अत्यधिक खर्च हुने विज्ञहरुको भनाइ छ ।
 
बीबीसीका रिपोर्टर केट रसेलले आफ्नो अनुभव सुनाउँदै भनेका छन् आफ्नो फोर जी नेटवर्कमा ११ मिनेट सम्म यो एप्लिकेसनको प्रयोग गर्दा अढाइ सय एमबी डाटा खर्च भयो ।
 
पेरिस्कोपमा आधा घण्टासम्म भिडियो हेर्दा झण्डै ४ सय एम बी डाटा खर्च हुने उनले बताएका छन् । 
 
त्यसैले यो एप्लिकेसन प्रयोग गर्दा आफ्नो मोबाइलको डाटा कति खर्च भैरहेको छ भन्ने कुरामा ध्यान दिनुपर्ने उनको सुझाव छ ।
 
हिमालय खबर

हिमालय खबर -

थप »

यो खबर पढेर तपाईलाई कस्तो महसुस भयो ?

प्रतिक्रिया