नेपाल

काठमाडौँ उपत्यकामा ६९६ सहित शुक्रबार १४५४ जनामा कोरोना पुष्टि

प्रकाशित |

काठमाडौँ । नेपालमा पछिल्लो २४ घन्टाभित्र थप १४५४ जनामा कोरोना संक्रमण पुष्टि भएको छ । देशभरका ३९ वटा प्रयोगशालामा गरिएको १० हजार ७०१ जनाको पिसिआर परीक्षणका क्रममा १४५४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

शुक्रबार नियमित पत्रकार सम्मेलनमा प्रवक्ता डा जागेश्वर गौतमले दिएको जानकारीअनुसार कोरोना संक्रमितको संख्या ५१ हजार ९१९ पुगेको छ । जसमा १४ हजार ९२५ जना सक्रिय संक्रमित उपचाररत छन् । पछिल्लो समय कोरोना संक्रमण समुदायस्तरमा फैलिएपछि देशभर ५० भन्दा बढी जिल्लामा निषेधाज्ञा जारी गरिएको छ ।

काठमाडौं उपत्यकामा थप ६९६ जनामा संक्रमित थपिएका छन् । काठमाडौँका ६२०, ललितपुरका ३८ र भक्तपुरका ३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । हालसम्म उपत्यकाभित्र संक्रमित हुनेको संख्या १० हजार ७०८ पुगेको छ । जसमा काठमाडौँमा कुल ८७२६, ललितपुरमा १०९२ र भक्तपुरमा ८९० जना रहेका छन् ।   

संक्रमित हुनेमा रुपन्देहीमा १०२, चितवनमा ७४, कैलालीमा ६७, मोरङमा ४७, सुनसरीमा ४४, नवलपरासी ३५, कपिलवस्तुमा २८, सुर्खेतमा २६, गुल्मीमा २०, बाँकेमा १८, झापामा १४, प्युठानमा १३, पाल्पा, सिरहा र सङ्खुवासभामा १२/१२, रुकुमा पूर्व, कास्की र काभ्रेपलाञ्चोकमा ११/११, सर्लाहीमा सात, डोटी, गोरखा र रौतहटमा छ/छ, दाङमा पाँच, स्याङ्जा र सप्तरीमा चार, रोल्पा र पर्सामा तीन/तीन, कञ्चनपुर, सिन्धुली, सिन्धुपाल्चोक, बारा, महोत्तरी र धनुषामा दुई/दुई, जुम्ला, बर्दिया र धादिङमा एक/एक जना रहेका छन् । 

मन्त्रालयका अनुसार चितवन, काठमाडौँ, ललितपुर, भक्तपुर, मोरङ, सुनसरी, झापा, मकवानपुर, धनुषा, पर्सा, रौतहट, महोत्तरी, सप्तरी, सर्लाही, बारा, डोटी, बाजुरा, कैलाली, कन्चनपुर, पाल्पा, पश्चिम नवलपरासी, दाङ, बाँके, दैलेख, अछाम र रुपन्देहीमा ५०० भन्दा बढी संक्रमित रहेका छन् । सोलुखुम्बु, मुस्ताङ, ताप्लेजुङ, डोल्पा र हुम्लामा संक्रमितको संख्या शून्य छ ।

प्रवक्ता डा जागेश्वर गौतमले पछिल्लो २४ घन्टामा कोरोना सङ्क्रमणबाट पाँच जनाको मृत्यु भएको जानकारी दिए । मृत्यु हुनेमा मोरङका ४० वर्षीया महिला र महोत्तरीका ६५, धनुषाका ४५, काठमाडौँका ७० र नवलपरासीका ५५ वर्षीय पुरुषको कोरोना सङ्क्रमणबाट मृत्यु भएको छ । यससँगै नेपालमा कोरोना सङ्क्रमणबाट ज्यान गुमाउनेको सङ्ख्या ३२२ पुगेको छ ।  

त्यस्तै, शुक्रबार एकैदिन कोरोना संक्रमण निको भई ९७२ जना डिस्चार्ज भएका छन् । हालसम्म डिस्चार्ज हुनेको संख्या ३६ हजार ६७२ पुगेको छ । जुन कुल संक्रमितको ७०.६ प्रतिशत हो ।

प्रवक्ता डा गौतमका अनुसार हालसम्म ८ लाख २१ हजार १८६ जनाको पिसिआर विधिबाट परीक्षण गरिएको छ भने ३ लाख १२ हजार ४०२ जनाको आरडिटी विधिबाट परीक्षण गरिएको छ । उनका अनुसार हाल ६ हजार ७८ जना क्वारेन्टाइनमा र १४ हजार ९२५ जना आइसोलेसनमा रहेका छन् ।

जसमा संस्थागत आइसोलेसनमा ८ हजार २९१ जना र होम आइसोसनमा ६ हजार ६३४ जना रहेका छन् । जसमध्ये २५ जनाको भेन्टिलेटरमा र १७० जनाको आइसियूमा उपचार भइरहेको छ ।


यो खबर पढेर तपाईलाई कस्तो महसुस भयो ?

प्रतिक्रिया