अमेरिका समाचार

अमेरिकाले कम्युनिष्ट पार्टीका समर्थकको प्रवेशमा कडाई गर्ने

प्रकाशित |

मेरिका- कम्युनिष्ट वा बामपन्थी विचारधारा राख्ने प्रायले अमेरिकालाई पुंजीवादी र सामराज्यवादी देश भन्दै गाली गर्छन । मुख्य शत्रु राष्ट्रनै मान्छन् । अमेरिकाले पनि कम्युनिष्टहरुलाई अधिनायकवादी पार्टीका रुपमा लिदैं यसका समर्थकलाई अमेरिका प्रवेश र स्थायि वसोवारमा निरुत्साहित गर्दै आएको छ । हिटलरको नाजीपार्टी कै तहमा कम्युनिष्टलाई व्यवहार पनि गरिन्छ ।

अमेरिकाले अहिले कम्युनिष्ट वा यस्तै अधिनायकवादी पार्टीमा आवद्ध सदश्यलाई अमेरिका प्रवेश, स्थायि बसोवास र नागरिकतामा कडाई गर्ने नीतिलाई पुन दोहोर्याएको छ । 

अमेरिकाको आन्तरिक सुरक्षाकारण भन्दै कम्युनिष्ट वा यस्तै अधिनायकवादी पार्टीका सदश्यलाई अमेरिकामा ग्रिनकार्ड वा स्थायी बसोवास अनुमतिमा पुन कडाई गर्ने नीति अमेरिकाले सार्वजनिक गरेका हो । 

विशेषगरी चीनको कम्युनिष्ट पार्टीमा आवद्ध हुनेलाई हतोत्साहित गर्न कडाईगर्न लागिएको विश्लेषण गरिएको छ । तर, यसको तरगं नेपालसम्म पुगेको छ । 

नेपालमा सत्तारुढ नेपाल कम्युनिष्ट पार्टीका नेता नारायणकाजी श्रेष्ठले यो नीतिको विरोध गरेका छन् । 

अमेरिका खासमा उदार अर्थनीति अवलम्बन गरेको पुंजीवादी देश भएपनि यहां आर्थिक रुपमा कमजोर वर्गमा लागि थुप्रै सहुलियत दिइन्छ । तर, अमेरिकामा अधिकांश नागरिक राज्यका सहुलियत लिनुभन्दा काम गरेर खान चाहान्छन् । 

धेरैका लागि अमेरिका काम नगरी खान नपाइने देश पनि हो । यो त कम्युनिष्ट देश हो नेपालमा जस्तो सुतेर कहां खान पाइन्छ भनेर प्रतिकृया दिने नेपाली पनि भेटिन्छन् । जसले काम गर्छ उसले अभावमा बांच्नु पर्दैन । सामान्य काम गरेरपनि परिवारमा मिलेर वस्ने हो भने चाहेको गाडी चढ्न, राम्रो र मिठो खान, वातानुकुलित घरमा वस्न सकिन्छ । 

अति धनी र ज्यालादारीमा काम गर्ने पनि केहिले कांही एकै ठाउंमा सामान किन्न र खान पुग्छन् । अमेरिकामा राष्ट्रपति समेत कहिले कांही समान्य रेष्टुरेष्टमा लाइनमा वसेर खाना लिईरहेका तस्विरपनि सार्वजनिक भएका छन् । 

अमेरिका बाटोमा बस्ने गरिबलाई भन्दा धनी र शक्तिमा हुनेलाई वढी कानुन लाग्ने देश पनि हो । नेपालमा  जस्तो शक्तिमा हुनेहरुलाई एक खाले अरुलाई छुट्टै खालको नियम यहां हुदैंन । मोटर चलाउने लाइसेन्स निकाल्नु पर्यो वा पासपोर्ट सवैले एउटै प्रकृयामा जानै पर्छ । 

नजिकै रहेको खोलामा बल्छीवाट माछा मार्न समेत पैसा तिरेर लाइसेन्स लिनु पर्छ । कानुनी राज्य र वाक स्वतन्त्रताको यहां पुरा ग्यारेण्टी जस्तै छ । 

अमेरिकामा पनि भुमिगत रुपमा कम्युनिष्ट पार्टी भने छ । तर, यहां अधिकांश नागरिक कम्युनिष्ट प्रति सकारात्मक धारणा राख्दैनन् । 

करिव एक महिना पछि हुन लागेको राष्ट्रपति निर्वाचनमा सत्तारुढ रिपब्लिकन पार्टीका राष्ट्रपति डोनाल्ड ट्रम्पले विपक्षि डेमोक्र्यार्टीक पार्टीका उम्मेदवारलाई सोसलिष्ट भन्दै आलोचना समेत गरेका छन् । 

ह्वाइट हाउसले अनुदार इमिग्रेशन नीति लिइरहेका वेला कम्युनिष्ट पार्टी सदश्यलाई कडाई गर्ने सार्वजनिक भएको हो । 

नेपालमा पनि हज्जारौ नेपाली कम्युनिष्ट पार्टीका सदश्य रहेकाले यो नियम नेपालीका लागि कति कडाईका साथ लागु गरिन्छ यो भने स्पष्ट छैन । 

हिमालयखवर संवाददाता

हिमालयखवर संवाददाता -

थप »

प्रतिक्रिया