नेपाल

बिहीबार उपत्यकाभित्र ५७२ सहित संक्रमितको संख्या दस हजार नाघ्यो

प्रकाशित २५ भाद्र २०७७, बिहीबार | 2020-09-10 12:46:49

काठमाडौँ । केन्द्रीय राजधानी काठमाडौँ उपत्यकामा बिहीबार ५७२ जनामा कोरोना संक्रमण पुष्टि भएको छ ।

जसमा काठमाडौँका ४९५, ललितपुरका ४३ र भक्तपुरका ३४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै हालसम्म उपत्यकाभित्र संक्रमित हुनेको संख्या १० हजार १२ पुगेको छ ।

जसमा काठमाडौँमा कुल ८१०६, ललितपुरमा १०५४ र भक्तपुरमा ८५२ जना संक्रमित रहेको मन्त्रालयले जनाएको छ । यसैबीच, पछिल्लो २४ घन्टामा काठमाडौँमा तीन जनाको मृत्यु भएको छ ।

मृत्यु हुनेमा काठमाडौँका ५५ वर्षीया महिला तथा ५९ र ८३ वर्षीय पुरुष रहेका छन् । बिहीबारसम्म देशभर संक्रमितको संख्या ५० हजार ४६५ पुगेको छ ।

जसमा बिहीबार १८१८ सहित ३५ हजार ७०० जना निको भई घर फर्किएका छन् । यो कुल संक्रमितको ७१ प्रतिशत हो ।

हिमालयखवर संवाददाता -