आधा मन स्वदेशमै यहाँ आधा बाँचेको छु

मुटु भित्र नेपालको माया साँचेको छु …..

 

'आधा मन स्वदेशमै….'बोलको गीत यूट्यूब मार्फत सार्वजनिक भएको छ । स्वदेशको माया र विदेशको पीडा बोकेको यो गीतले श्रोता, दर्शकको मन जित्न सफल हुनेछ भन्ने विश्वास गरिएको छ ।

 

गीतमा आशिष गुभाजुको सुमधुर स्वर रहेको छ । संगीत – स्ट्रिंग अफ सुल्तानका टाइटल पाएका संगीतकार अनिल शाहीले भरेका हुन । शब्द रचना गीतकार बिटु केसीको हो ।

 

अनिल शाहीको संगीत र बिटु केसीको शब्द रचनामा यस अघि दुई वटा भिडीयो गीत सार्वजनिक भइसकेको छ । जुन  'तिमीले बोले मात्रै के हुन्छ यो मनमा …..' र ' मायालुको वात मिठो , विताएका साथ मिठो …..' बोलको छ । यस मध्ये मायालुको वात मिठो बोलको गीत अत्याधिक मन पराइएको थियो ।

 

सार्वजनिक यो गीत 'आधा मन' एल्बमको शिर्ष गीत हो । अझै बाँकी दुईवटा गीतहरु शीघ्र सार्वजनिक हुने क्रममा छन ।

 

हिमालयखबरको आधिकारीक वेबसाइटबाट यो गीत सार्वजनिक गरिएको हो ।