हिमालयखवर संवाददाता

भारत- भारतको हैदरवादमा एक २७ बर्षिय युवतीलाई सामुहिक बलात्कार पछि हत्या गर्ने चार जना आरोपित प्रहरीसंगको फिल्मी शैलीको मुठभेडमा मारिएका छन् ।

 

प्रहरीले घटनाको पुर्ण विवरण तयार गर्न बलात्कार आरोपीलाई घटनास्थलमा लगेको थियो । त्यही वेला प्रहरीको हतियार खोसेर भाग्न खोज्दा मुठभेड भएको प्रहरीको दावी छ ।

 

गत नोभेम्बर २७ सांझ हैदरवादमा भेटनरी डाक्टर २७ बर्षिय युवतीको स्कुटी मर्मत गर्ने वाहनामा बलात्कार भएको थियो । सामुहिक बलात्कार पछि उनको हत्या गरी जलाईएको थियो । उक्त बलात्कारको आरोपमा प्रहरीले चार जनालाई पक्राउ गरेको थियो । ती चारै जना मारिएका हुन् ।

 

भारतमा बलात्कार ठुलो समस्या वनिरहेको छ । उक्त घटनालाई लिएर भारतमा निकै आक्रोस देखिएको थियो । बलात्कार गर्नेलाई कडा सजाय दिनुपर्ने माग व्यापक रुपमा उठेको थियो । घटनाका आरोपितलाई प्रहरीले मारेकामा हैदरवाद प्रहरीको प्रशंसा गरिएको छ । समाजिक संजाल र संचारमाध्यमलाई दोषीले सही सजाय पाएको भन्दै हैदरवाद प्रहरीको प्रशंसा गरिएको छ । बलात्कार हुने युवतीका परिवारले आफुहरुलाई न्याय मिलेको भन्दै सरकार र प्रहरीलाई धन्यवाद दिएका छन् । तर, यो मुठभेड सत्य तथ्यका वारेमा प्रश्नहरु पनि उठेका छन् ।

 

बलिउड फिल्मी शैलीमा भएको यो भुठभेड कति सत्य हो भन्ने प्रश्न उठेको हो । कानुनतह ओरोपितलाई अदालतमा प्रस्तुत गरिनु पर्छ ।

 

गत २७ नोमेम्बरको राती उक्त बलात्कारको घटना भएको थियो । मदिरा सेवन गरेका ती अभियुक्तले २७ बर्षिय भेटनरी डाक्टरले स्कुटी पार्क गरेको देखेका थिए । त्यस पछि बलात्कार गर्ने उद्देश्यले उनको स्कूटीको हावा निकालेका थिए  । महिलाको स्कुटी ठिक गर्ने वाहनामा ती चारजना युवकले मोलाइल लुटेर बल प्रयोग गरी महिलालाई पालै पालो बलात्कार गरेका थिए । बलात्कार पछि घाटी अठ्याएर उनको हत्या गरिएको थियो । हत्या पछि ती युवकले घटनास्थल भन्दा २५ किलोमिटर घाटा लासलाई तेल छर्किएर जलाएका थिए । विहान स्थानियले जलेको लास देखेपछि प्रहरीलाई खवर गरेका थिए । तस्बिर: सामाजिक संजाल