हिमालयखवर संवाददाता
काठमाडौँ- गैर आवासिय नेपाली संघ (एनआरएनए)मा नयां नेतृत्व आएपछि पुर्व अध्यक्ष भवन भट्ट गुमनाम जस्तो देखिएका छन् । त्यस यता एनआरएनएमा उनको सकृयता कम भएर गएको छ ।
करिव डेढ महिना अघि एनआरएनएमा नयां कार्यसमिति आएको थियो । अध्यक्षका रुपमा प्रत्यक्ष साता केही न केही सार्वजनिक कार्यक्रममा देखिने भट्ट पुर्व अध्यक्ष भएपछि निष्कृय जस्तो देखिएका छन् ।
पछिल्लो पटक होटल हायातमा भएको विश्व सम्मेलनका क्रममा आएका विवाद, व्यवसायीक दवाव लगायतले भट्टको लोकप्रियता भने घटेको छ । मदिरा सेवनका कारण जहाजमा उड्न नदिएको घटना सार्वजनिक भएपछि भट्टको लोकप्रियतामा कमी आउन थालेको थियो । यो हायात सम्मेलनमा पनि देखिएको थियो ।
हायात सम्मेलनको व्यवस्थापन पक्ष निकै कमजोर भएकाले पनि भट्टलाई हानी पुगेको थियो । उक्त सम्मेलनमा विभिन्न प्रकारले विवादस्पद मात्र भएन, प्रधानमन्त्रीको मुख्य आतिथ्यमा गर्ने भनिएको समापन समारोह रद्द भयो ।
उक्त सम्मेलनले एनआरएनएको हरहिसाव समेत स्विकृत नगरी सकिएको थियो । विश्व सम्मेलन एनआरएनएका मुद्दामा भन्दा चुनावमै वढी केन्द्रित थियो । सहभागीता पनि त्यस्तै थियो ।
समापन कार्यक्रम रद्द गरिएको कार्यक्रममा डाकिएका कतिपय अतिथिहरुलाई जानकारी नै गराईएको थिएन । समापन समारोह एक दिन पछि एनआरएनए भवनमै भएको थियो ।
यो सम्मेलनको व्यवस्थापनको कमजोर भएकाले पनि भट्टलाई हानी गरेको छ । त्यहां सहभागी अधिकांशको भनाई थियो व्यवस्थापन यस्तो हुनुहुदैनथ्यो ।
यसवाहेक भट्ट व्यवसायलाई व्यस्थित संचालन गर्नु पर्ने दवावमा पनि छन । नेपालमा उनले लगानी गरेका अधिकांश व्यवसाय नोक्सानमा छ ।
अहिलेको कार्यसमितिले पनि भट्टलाई खासै महत्व नदिएको एक जना पदाधिकारीले वताए ।
निकै महत्वकांक्षी परियोजना बीवी एयरलाइन्स भट्टले चलाउन सकेनन् । करिव ४० करोड रुपैंया लगानी रहेको धुलिखेल माउण्टेन रिर्सोटपनि राम्रोसंग चल्न सकेको छैन । भट्टले नेपालमा लगानी गरेका अन्य व्यवसायपनि नाफामा छैनन् ।
जापानमा भने आफ्नो व्यवसाय निकै सफल रहेको भट्टको दावी छ । २ बर्ष अघि भट्टले विदेशमा सवैभन्दा वढी कारोवार गर्ने व्यवसायी रहेको दावी गरेका थिए ।
भट्ट कोषाध्यष, दुई पटक उपाध्यक्ष भएर एनआरएनएमा अध्यक्ष भएका थिए ।
प्रतिक्रिया