अमेरिका – अमेरिकाका नवनियुक्त राष्ट्रपति डोनाल्ड ट्रम्पले आफ्नो आर्थिक राष्ट्रवाद अडानलाई पुष्टि गर्दै विदेशमा फ्याक्ट्री खोल्ने अमेरिकी कम्पनीलाई वढी कर लगाउने सार्वजनिक गरेका छन् । डोनाल्डले ट्वीट मार्फत विदेशमा कारखाना राखेर अमेरिकामा समान विक्री गर्नेलाई ३५ प्रतिशत कर लिने सार्वजनिक गरेका हुन् ।
ट्रम्पले एक पछि अर्को टवीटमा भनेका छन् अमेरिकारले करमा भारी कटौती गर्दैछ नियमहरुपनि खुकुलो वनाउने छ तर, जुन कम्पनी अमेरिका छाडेर विदेशमा कारखाना लगाउंछन र यहां समान विक्री गर्न खोज्नु गलत हो ।
विदेशमा कारखाना राख्ने कम्पनी जसले अमेरिकामा कार, एसी लगायत विक्री गर्न चाहन्छन् उनीहरुलाई ३५ प्रतिशत कर लाग्ने छ उनले ट्वीटमा भनेका छन् ।
आउने जनवरी २० तारिखवाट डोनाल्डले राष्ट्रपतिको पदभार सम्हाल्ने छन् । चुनावीको प्रारम्भिक नतिजा लगत्तै डोनाल्डले आफ्नो क्याविनेट सहयागी (मन्त्री) घोषणा गरिरहेका छन् । विदेशमन्त्रीको को वन्ने यो भने तय भईसकेको छैन ।
ट्रम्पको यो ३५ प्रतिशत कर लगाउने निर्णयले सस्तोमा विदेशवाट काम लिने आउटसोर्स गर्ने कम्पनीलाई पनि महंगो हुने छ । भारत, चीन लगायत कयौं देशको अर्थतन्त्र यसवाट प्रभावित हुने छ ।
डोनाल्डले एक साता यता पाकिस्तान र ताइवानका सरकारप्रमुखसंग टेलिफोन सम्पर्क गरेका थिए । ताइवानका राष्ट्रपतिसंग परम्परा तोडेर डोनाल्डले टेलिफोन सम्पर्क गरेका थिए । ताइनवान आफ्नो अभिन्न अंग भएको मान्न चीनले यस प्रति विरोध जनाएको छ । पाकिस्तानका प्रधानमन्त्रीसंगको टेलिफोन वार्ता पनि भारतका लागि चासोको विषय वनेको छ ।
डोनाल्डले निर्वाचन अभियानकै क्रममा आफुले फरक ढंगवाट काम गर्ने वताएका थिए । इमिग्रेशनका वारेमा पनि उनको कडा नीति छ । गैरकानुनी रुपमा वस्नेलाई फिर्ता पठाउने उनको प्रथामिकतामा छ ।
अमेरिकाको अर्थतन्त्र अहिले मजबुत देखिएको छ । हालै सार्वजनिक तथ्यांकले पनि वेरोजगारी दर घटेको छ । डोनाल्डको नीति कार्यान्वयन भए रोजगार अझ वढ्ने अनुमान गरिएको छ ।
प्रतिक्रिया