अमेरिकाको दूरसञ्चार कम्पनी एटीएण्डटीले टाइम वार्नर कम्पनी किन्ने भएको छ । यसका लागि एटीएण्डीटीले ८५ अर्ब ४० करोड अमेरिकी डलर झन्डै ९० खर्व नेपाली रुपैंया तिर्ने संचारमाध्यमहरुले जनाएका छन् ।
सञ्चार क्षेत्रमा यसलाई सबैभन्दा ठुलो किनवेचका रूपमा लिइएको छ । ठुलो नै राम्रो हुन्छ भन्ने मान्यता अमेरिकको दूरसञ्चार क्षेत्रमा हाबी छ। यस अघि पनि कमकाष्टले एनवीसी युनिर्भसल किनेको थियो ।
आफ्नो सेवालाई अझ बृहत् बनाउन एटीएण्डीटीले ठुलो धनराशी खर्च गरेर टाइम वार्नर कम्पनी किनेको हो । टाइम वार्नर प्रवद्र्धन समूहसँग सिएनएन लगायत अन्य सञ्चार कम्पनीपनि छन् ।
दुवै कम्पनीका तर्फबाट शनिवार अन्तिम रूप दिइएको यो किनवेचलाई अमेरिका सरकारी निकायबाट भने स्वीकृत पाउन बाँकी छ ।
एटीएण्डटी अमेरिकाको सबैभन्दा ठुलो दूरसञ्चार सेवा दिने कम्पनी हो । टेलिफोनको आविस्कारसंग सय वर्ष अघि यो कम्पनी स्थापना भएको थियो । यस अघि एटीएण्डटीले टाइम मोवाइलपनि किन्न खाजेको थियो । तर, अमेरिकाको सरकारी निकायले यसलाई स्वीकृत नगर्दा त्यसै रोकियो ।
प्रतिक्रिया