अमृत बाबु कट्टेल / हिमालयखबर सवाददाता
ड्यालस (टेक्सस), अमेरिका– ड्यालसमा रहेको नेपालीहरुको फुटबल क्ल ‘भास्तिका ड्यालस गोर्खा’ ले यस पटक पनि दशैं कप फुटबल विजेताको उपाधी हात पारेको छ ।
शनिबार आयोजित प्रतियोगितामा ड्यालस गोर्खाले एकहजार पाँचसय डलरराशी नगद सहित विजेताको उपाधी आफ्नो पोल्टामा पारेको हो । यस पटक समेत भास्तिका ड्याल गोर्खा यो उपाधीको तेस्रो पटक लगातार विजेता भइसकेको छ ।
ड्यालस, फोर्टवर्थ मेट्रोप्लेक्समा बसोबास गर्ने सयौं नेपालीको उपस्थितीबीच शनिबार दशैं कप फुटबल प्रतियोगिता आयोजना भएको थियो । आउँदो वर्षको दशैं कप अझै भव्य र व्यबस्थित रुपमा आयोजना गर्ने योजना आयोजकहरुको छ ।
प्रतियोगितामा सहभागी भएर हौसला बढाइदिएकोमा आयोजक ड्यालस गोर्खाका संयोजक विनोद विष्टले धन्यवाद ज्ञापन गरेका छन् । प्रतियोगिताका विजेता र सहभागीहरुलाई पूर्ब नेपाली राष्ट्रिय फुबटल टीमका खेलाडी उमेश प्रधान र समाजसेवी धिरेन गुरुङले ट्रफी र कपहरु हस्तान्तरण गरेका थिए ।
प्रतिक्रिया